23/12/09

ENCONTRO DE COOP57 CO BANCO COOPERATIVO SUECO JAK

Na liña de fomentar o coñecemento mútuo entre as experiencias de finanzas éticas so fórmulas de economía social e solidaria, Coop57 manterá un encontro co Banco Cooperativo Sueco JAK o próximo 4 de Xaneiro de 2010 en Barcelona a partir das 12 horas na Aula Ronda (Ronda de Sant Pere, 56 ).

A este encontro están convidadas a participar unha representación das Seccións Territoriais de Coop57.
Para as que esteades interesadas en obter información sobre a experiencia de JAK podedes visitar o Blogue www.nocreceenlosarboles.blogspot.com e tamén podedes descargar este documento.

Ler mais...

19/12/09

II XORNADAS DE CONSUMO RESPONSABEL EN SALCEDA DE CASELAS

Os próximos 19 e 20 de Decembro, celebraranse as II Xornadas de Consumo Responsábel no municipio de Salceda de Caselas, promovidas pola Asociación Cultural, Deportiva e Ecoloxista Treze Catorce e a Asociación para a Cooperación dos Concellos do Rural. A programación das Xornadas combinará actividades lúdicas como obradoiros e actuacións musicais; unha mostra de produtos ecolóxicos e comercio xusto; e a organización de palestras, exposicións e proxeccións documentais arredor da agroecoloxía; o consumo responsábel; o téxtil; e os ecosistemas.

Unha das palestras xirará arredor das finanzas éticas como alternativa á banca capitalista e que a desenvolverá a responsábel de Educación de Amarante e socia colaboradora de Coop57 GZ, Eva Gil, o próximo 19 de Decembro a partir das 17 horas. Outras organizacións que colaboran nestas Xornadas son o Grupo Micolóxico Galego; a Asociación Caleidoskopio; o Sindicato Labrego Galego; a asociación ecolóxista Adega e Ecocelta.

A Xornadas desenvolveranse na Praza do Concello de Salceda de Caselas a partir das 11 horas.
Con antelación ás Xornadas realizaranse proxeccións documentais do 14 ao 17 de Decembro a partir das 20 e 22 horas sobre temática ambiental e solidaria.

Para máis información contactar con José Piñeiro no correo-e pinheirodepiconha@gmail.com

Ler mais...

COOP57 GALARDOADA COS PREMIOS PROTEUS DE ETICA

Recibíu o Premio o pasado 10 de Decembro en Barcelona na categoría de “Economía Social”

Coop57 recolleu a pasada quinta feira 10 de Decembro, coincidindo co aniversario da Declaración Universal dos Dereitos Humanos, o I Premio Proteus de Ética na categoría de Economía Social. Os premios son concedidos pola Editorial Proteus en recoñecemento ao labor de persoas, proxectos e institucións que pola súa actividade ou talante achegan valores positivos á sociedade e o xuri está integrado por unha amplísima selección de profesionais e académicos que están vinculados ao eido da ética.

O fundador da Editorial Proteus, Miguel Osset, afirma que o obxectivo deste recoñecemento é "revalorizar referentes éticos de comportamentos sociais algo, que, por desgraza, tense convertido nunha urxencia nun momento en que persoas e prácticas pouco éticas acaparan demasiado a miúdo a atención social e mediática". No acto, celebrado en el Museu Marítim de Barcelona e conducido pola xornalista de Catalunya Ràdio Rita Marzoa, responsábel do programa 'Solidaris', anunciáronse as gañadoras das catro categorías: 'personalidade do ano', 'economía social', 'proxecto pedagóxico' e 'medios de comunicación'. Co premio concedido a Coop57, recollido polo presidente da cooperativa Jordi Pujol, comparten estes primeros premios, Vicente Ferrer, polo seu compromiso ético e social; a escola Cintra, que traballa con menores no bairro barcelonés do Raval; e, no eido xornalístico, a peza 'Testigos del horror' publicada en 'El País semanal'.

Cómpre destacar que entre as candidatas á categoría de economía social e sustentábel, concorrían tamén tres entidades socias de Coop57: L'Olivera SCCL, Teixidors SCCL e a Fundació Desenvolupament Comunitari. Sen dúbida algunha, o premio tamén é para elas e para todas as socias e socios colaboradores que cada día fan posíbel esta experiencia.
Cómpre lembrar tamén que o pasado mes de Novembro a Xarxa d'Economia Solidària (XES) recibiú o Premio Abacus 2009 de Cooperativismo.

Esta nova tamén se pode ver na súa versión en español e catalá no web de Coop57 www.coop57.coop

Ler mais...

10/12/09

Boletín de Economía Solidaria de Decembro

Xa está dispoñíbel o Boletín de Economía Solidaria de REAS correspondente ao mes de Decembro (nº47), con novas producidas no mes de Novembro e de actividades que se realizarán nas próximas datas. O Boletín é unha ferramenta comunicativa construida polo propio movemento da economía solidaria e persoas a título particular.

A respecto de novas da GZ publicadas compre destacar a presentación do proxecto Fiare por parte da Asociación Arela de Monforte de Lemos e un artigo do compañeiro de Coop57 GZ, Miguel Quinteiro, sobre o debate das caixas de aforro.

O acceso ao Boletín e a colaboración no mesmo pode facerse a través do web www.economiasolidaria.org
Saude

Ler mais...

23/11/09

Xornadas de Promoción do Cooperativismo e a Economía Solidaria en Ferrol

A próxima semana celebranse en Ferrol unhas Xornadas de Promoción do Cooperativismo e a Economía Solidaria, promovidas pola Cooperativa de Consumo Responsable A Xoaniña.

A devandita actividade que se vai celebrar os días 23, 25 e 27 de Novembro no Ateneo de Ferrol a partir das 20.30 horas, atinxirá temáticas como a autoxestión cultural a través da fórmula cooperativa; a toma e autoxestión de empresas capitalistas por parte de traballadoras e traballadores; o desenvolvemento rural sustentábel e as potencialidades da agroecoloxía; e a autoxestión do diñeiro por parte da cidadanía e o tecido da economía solidaria so principios éticos e solidarios.
Estas temáticas desenvolveranse a través de palestras nas que se exporán diversas experiencias galegas e tamén a través de proxeccións audiovisuais.

Para máis información visitar o web http://www.cooperativaxoaninha.org/contidos/ . Tamén se pode obter a través do correo-e xan.martinez@cooperativaxoaninha.org e no teléfono 675 890 163.

Ler mais...

17/11/09

Encontro de Seguro Etico e Mercado Social en BCN

En Setembro de 2008, REAS e ARÇ Cooperativa asinaron un convenio de colaboración co obxecto de establecer criterios de apoio mutúo no desenvolvemento dunha oferta de seguros para a economía social e solidaria que contribúa ao pulo do seguro ético e solidario e á construción do mercado social.

Transcorrido algo máis dun ano, ARÇ Cooperativa convoca un Encontro sobre Seguro Etico e Solidario para valorar, de forma conxunta, o proceso de implantación do convenio, seguir a fixar criterios operativos e estender a experiencia ás redes de economía solidaria (de REAS ou non) que estean interesadas na implantación práctica de servizos que contribúan ao desenvolvemento do Mercado Social.

Dito encontro celebrarase en Barcelona o próximos 16 e 17 de Decembro. Coop57 convoca a todas as súas Seccións Territoriais a participar en dito encontro.
 
Coop57 GZ asistirá ao devandito encontro a través de duas representantes das entidades socias, co obxecto de coñecer as experiencias de intercooperación no ámbito das temáticas do Encontro e de cara a valorar a inclusión en 2010 do comezo dunha estratexia de traballo no ámbito do Mercado Social.
 
ARÇ Cooperativa financiará os gastos de manutención e aloxamento das asistentes.

Xuntamos arquivo coa programación do Encontro.

Ler mais...

11/11/09

Boletín de Economía Solidaria de Novembro

Xa está dispoñíbel o Boletín de Economía Solidaria de REAS correspondente ao mes de Novembro, con novas producidas no mes de Outubro e de actividades que se realizarán nas próximas datas.
O Boletín é unha ferramenta comunicativa construida polo propio movemento da economía solidaria e persoas a título particular. Entre as temáticas de relevo no mesmo cómpre destacar as finanzas éticas e solidarias.

O acceso ao Boletín e a colaboración no mesmo pode facerse a través do web www.economiasolidaria.org

Ler mais...

Xornadas de Cultura e Terra Sustentábel

Continuan a se celebrar as xornadas "Terra e Cultura Sustentábel" organizadas pola Asociación Cultural Os Ameiros de Teo, que deron comezo o pasado 10 de Outubro e rematarán o 5 de Decembro, todos os sábados no Fogar do Santiso en Teo.
As temáticas que se están a abordar nas Xornadas son Permacultura; Agricultura e Ganderia Sustentábel; Silvicultura Sustentábel; Auga; Vivenda; Reciclaxe e Re-utilización; Enerxias e Mobilidade Sustentábeis; Economia Sustentábel.

Coop57 GZ colaborará nestas Xornadas coa súa participación nas actividades da Xornada adicada á Economia Sustentábel a celebrar o próximo 5 de Decembro.

Para máis info podedes visitar o web www.terraecultura.org

Ler mais...

Coop57 Galicia participará nas Xornadas Libertarias en Compostela

Coop57 Galiza na liña trazada de difundir o seu proxecto en particular, e as finanzas éticas e solidarias en xeral, como alternativa posíbel no proceso de construción dun modelo social e económico máis xusto e solidario, participará nunha palestra, convidada pola CNT de Compostela, nas Xornadas Libertarias que se celebrarán do 16 ao 20 Novembro en Compostela, baixo o título “ Banca Etica contra o Capitalismo”. A palestra celebrarase o 17 de Novembro a partir das 19.30 horas na rúa García Prieto 24-28.
Ademais durante as Xornadas atinxiránse noutras palestras e proxeccións audiovisuais, outras temáticas como o antimilitarismo; a situación na Palestina e o sindicalismo desde experiencias actuais e históricas do movemento libertario.
Para máis información visitar o web http://www.cntgaliza.org/?q=compostela

Ler mais...

30/10/09

Coop57 Galicia aproba duas novas operacións de financiamento ético e solidario

Coop57 Galicia aprobou durante o mes de Outubro duas novas operacións de financiamento ético e solidario coas cooperativas Arbore e Intergal, socias fundadoras da Sección Territorial. As devanditas operacións consistiron en préstamos en concepto de anticipo de subvencións da Xunta de Galiza por importe total de 13.000,00 € a un prazo entre catro e cinco meses. No caso de Intergal, a devandita operación, por importe de 7.000,00 € pretende cofinanciar os gastos correspondentes a un estudo estratéxico do sector de desenvolvemento e consultoría de aplicacións informáticas. Pola súa parte, Arbore solicitou a operación por un total de 6.000,00 €, para facer fronte aos gastos de actividades de fomento do cooperativismo e de implantación de tecnoloxías da información e as comunicacións.

Arbore é unha cooperativa de consumo responsábel, pioneira en Galiza no ámbito da alimentación agroecolóxica e de produtos para o fogar. Constituida en 2001 e con sede en Vigo, conta nesta altura cun total de 286 socias consumidoras. Para alén da subministración de produtos, desenvolve un importante traballo de difusión e concienciación social nos ámbitos da economía social e solidaria, e do consumo responsábel e o comercio xusto.

Intergal é unha cooperativa de traballo, constituida en 1999 e con sede en Vigo. Asocia a un total de cinco socios e socias traballadoras, que realizan a súa actividade no ámbito dos servizos integrais de novas tecnoloxías e internet. A Cooperativa está especializada na integración de vellas aplicacións nas novas tecnoloxías, en ferramentas para xerar programas e aplicacións e-business, na explotación remota de aplicacións (ASP) e no aloxamento e servizos de desenvolvemento para empresas e usuarios a través de internet.

Coop57 Galiza desde a súa constitución o pasado mes de Maio, ten aprobado tres proxectos de financiamento ético e solidario por un montante total de 35.000,00 €. Neste altura asocia a 16 organizacións da economía social e solidaria e 40 socios e socias colaboradoras que achegan á Sección Territorial un total de 43.800,00 €.

Ler mais...

26/10/09

Enric Durán en Galicia


Enric Durán Giralt, o activista social catalán coñecido no ano 2008 logo de expropiar 492.000 euros a 39 entidades bancarias mediante créditos ao consumo, estará entre os días 26 e 31 de outubro en distintos puntos de Galiza. 
Os cartos foron investidos na creación dunha infraestrutura de movemento, que supuxo dende a formación das publicacións CRISI e PODEM!, ambas cunha tirada de 350.000 exemplares, xornais gratuítos e colectivos que conteñen información sobre o decrecemento e os movemento antisistema, e a celebración do día de desobediencia e folga de bancos 17-S (17 de setembro) ata diferentes proxectos desta índole. 
Tras 2 meses en prisión preventiva e á espera de xuizo, Durán prosegue a loita anticapitalista cunha serie de palestras en Galiza.


PALESTRAS:
Luns 26 de outubro,
20h, CS Sem um cam, rua do Vilar 9, OURENSE
Martes 27 de outubro, 20.30h, CS A Revolta, rua Real 32, rês-do-chao. Zona Velha, VIGO
Mércores 28 de outubro, 19.30h, CNT, rúa García Prieto, 24-28, COMPOSTELA

Xoves 29 de outubro, 20.30h, CSO Casa das Atochas, rúa Atocha Alta, 14, Montealto, A CORUÑA

ASEMBLEAS:
30/31 de outubro, 17h, CS Atreu, rua San Xosé, 2, baixo, Montealto, A CORUNHA 


Máis información:
http://www.sincapitalismo.net/

Ler mais...

21/10/09

Elinor Ostrom, un Nobel de Economía ben gañado

Felicitacións aos señores directores do Banco de Suecia e da Academia Sueca de Ciencias. Esta vez acertaron ao lle dar o premio 2009 a Elinor Ostrom. Xa era tempo que se llo desen a unha socioeconomista progresista, en lugar de llo regalar a algún ideólogo cavernícola, coma nos teñen acostumados a facer. Tamén era tempo de que galardoaran a unha muller, a primeira desde 1982, ano en que premiaran á socióloga Alva Myrdal.
Cal é o principal mérito académico da doctora Ostrom, profesora na Indiana University? Que estudou e propiciou a autoxestión do ben común. Por que importa este aspecto da súa obra? Porque foi ignorado por case que todos os economistas políticos, non soamente polos vellos coñecidos da dereita.
Noraboa, profesora Ostrom, por contribuír a resaltar o lado anxelical da bestia humana, e por desprestixiar á economía e a filosofía políticas que dan por sentado que todas as persoas somos rapiñadoras e carroñeiras. Era tempo de que o premio Nobel o gañase quen cre que a economía e a política poden ser beneficiosas para a maioría se reemprazan o pesimismo de Hobbes polo optimismo de Rousseau.
Fonte

Ler mais...

9/10/09

Xornada de REAS

O próximo 23 de Outubro celébrase en Madrid unha Xornada sobre Crise e Econocartel REASmía Solidaria organizada por REAS na que se desenvolverán talleres, conferencias e grupos de traballo no que atinxirán diversas temáticas e alternativas á crise desde a Economía Social e Solidária.

A seguir incluimos máis información da mesma e animámosvos a participar.

Ler mais...

28/9/09

Xornadas “Terra e Cultura Sustentábel”

As xornadas "Terra e Cultura Sustentábel" organizadas pola Asociación Cultural Os Ameiros de Teo, desenvolveranse durante nove sábados consecutivos a partir do 10 de Outubro e até o 5 de Decembro, no Fogar do Santiso en Teo.

As temáticas que se abordarán nas Xornadas serán Permacultura; Agricultura e Ganderia Sustentábel; Silvicultura Sustentábel; Auga; Vivenda; Reciclaxe e Re-utilización; Enerxias e Mobilidade Sustentábeis; Economia Sustentábel.

Coop57 GZ colaborará nestas Xornadas coa súa participación nas actividades da Xornada adicada á Economia Sustentábel a celebrar o próximo 5 de Decembro.

Para máis info ver o programa das Xornadas e tamén podedes visitar o web www.terraecultura.org

Terra e Cultura Sustentable

Ler mais...

Festa Aniversario de Amarante

Aprezados Amigas e Amigos, Cartaz festa soligariedade
O día 3 de outubro imos celebrar o decimo aniversario de AMARANTE.

Non se ten a posibilidade de celebrar o décimo aniversario dunha organización social tódolos días. E aínda que 10 anos non é nada, moitas cousas teñen mudado neste tempo, que nos teñen obrigado a ir adecuando as nosas ideas ao mundo do capitalismo global co que nos tocou lidar co fin de sermos efectivas na nosa Misión, sen traizoar os nosos principios e non renunciando aos nosos obxectivos.
Cando en outono de 1.999 un grupo de tres persoas, constituíamos AMARANTE na cidade de Pontevedra non podiamos imaxinar, nin nas mellores das nosas expectativas, que o proxecto de solidariedade galego, critico e ecosocial, coma o definimos naquel intre, ía a ter o despregamento que despois tivo igual ca incidencia social e influenza institucional que chegou a adquirir.
Sabemos que elo non sería posible sen a vosa colaboración e doutras persoas que en maior ou menor medida teñen colaborado nestes anos.

Agora toca disfrutar e celebrar. Preparamos unha grande festa con moito máis voluntarismo que medios, pero nela queremos que esteades todos e todas. Disfrutade da festa, e sobre todo compartide con nós as actividades que desenvolveremos o sábado 3 de Outubro na praza do Teucro en Pontevedra.

Entre as actividades que realizaremos celebraremos un xantar de confraternidade a partir das 14 horas. Se queredes comparti-lo con nós inscribídevos no correo: administracion@amaranteong.org ata o día 30 de setembro.

O custo do mesmo será de 20 Euros por persoa.

Agardámosvos

Podedes consultar as novidades da programación no adxunto ou no blog http://amaranteong.org/soligariedade

Ler mais...

21/9/09

ASEMBLEA XERAL EXTRAORDINARIA DA SECCIÓN TERRITORIAL

O vindeiro sábado 26 de setembro de 10.30 a 13.30 horas, terá lugar no Seminario 3 do Pazo da Cultura de PONTEVEDRA ( r/ Alexandre Bóveda s/n. PONTEVEDRA) a

ASEMBLEA XERAL EXTRAORDINARIA DA SECCION TERRITORIAL

O principal punto da orde do día é o PLAN DE TRABALLO 2009-2010 DE COOP57 GALICIA.

Todas as Socias de Servizos e Socias Colaboradoras xa tedes nos vosos enderezos electrónicos o borrador do Plan de Traballo, do que xa se están a recibir suxestións para a súa mellora. Agardamos recibir moitas máis ata o 25 de setembro, co fin de axilizar a reunión e acadar a aprobación dun bo Plan 2009 para COOP57 GZ.

Coordinación Coop57 Galicia

Ler mais...

Xornadas “Organiza-te e passa da crise”

Durante esta semana vão-se realizar na Esmorga, com a colaboração de Amarante e Semente, uma série de atividades de formação e debate para conhecer recursos que nos ajudem a superar o atual marco socio-económico e, portanto, a sua crise. São atividades muito ligadas a alternativas associativas já em funcionamento a mostrar que um outro associacionismo é possível, mesmo em termos de “banca ética”.

Se estás muito interessad@ ou simplesmente tens um bocadinho de curiosidade participa nos obradoiros e palestras nos seguintes dias:

- 23, quarta-feira, às 20.30, obradoiro de iniciativas de financiamento ético. Vão participar: Ricardo Paz do Projecto FIARE e M. José e Amparo Vázquez do Centro de Educação Ambiental Equal, membros de COOP. 57.

- 24, quinta-feira, às 21.00, apresentação do SAC (Saúde, Autogestão e Comunidade) e do “Menjador Cooperatiu Canguingos”. Este projecto desenvolve-se no Espai Social Magdalenes da Ciutat Vella de Barcelona. Falará Martinha Varela sócia e colaboradora do comedor social.

- 26, sábado, às 21.30, Noite Angolana. Concerto de Aline Franzão e ceia com moamba, prato estrela da cozinha angolana. Preço: 3 euros sóci@s, 4 não sóci@s. A entrada inclúe o prato da moamba.

ourense@amaranteong.org
www.amaranteong.org

Ler mais...

14/9/09

Boletín Informativo de Coop57

Xa temos á nosa disposición o Boletín Informativo Nº 16 de Coop57.

Podedes descargalo xunto cos boletíns anteriores dende a Web de Coop57 ou directamente nesta ligazón.
Boletín 16



"Estimados socios y estimadas socias,

Me complace haceros llegar el boletín informativo número 16 relativo al primer semestre de 2009. Encontraréis una editorial que reflexiona sobre el papel que puede desarrollar el tejido social para contribuir a generar una sociedad más justa, solidaria y democrática. Acompañado, como siempre, por las informaciones relativas a los procesos asamblearios de Coop57, los acuerdos tomados y el Plan de Trabajo para 2009. Al lado de las informaciones relativas a cada una de las cinco secciones territoriales, particularmente el nacimiento de Coop57-Galicia.

Junto a las nuevas entidades socias que os presentamos y a la información de los créditos concedidos en los últimos seis meses a la economía social y solidaria, acompañados de los habituales gráficos de evolución económica, encontrareis las acciones de sensibilización en la que hemos tomado parte activamente.

Esperando que sea de vuestro pleno interés, recibid un cordial saludo.

Atentamente,

Jordi Pujol i Moix
Presidente Coop57"

Ler mais...

11/8/09

AS DIFERENTES ECONOMÍAS MUNDIAIS

Unha nota de humor no verán
Socialismo: Ti tes 2 vacas. O estado obrígache a darlle unha ó teu veciño.
Comunismo: Ti tes 2 vacas. O estado requisaas e dache algo de leite.
Fascismo: Ti tes 2 vacas. O estado requisaas e véndeche algo de leite.
Nazismo: Ti tes 2 vacas. O estado requisaas e dispárache na cabeza.
Burocratismo: Ti tes 2 vacas. O estado pérdeche unha, muxe a outra e logo bota o leite ó chan.
Capitalismo tradicional: Ti tes 2 vacas. Vendes unha e mercas un touro. Tes máis vacas. Vendes as vacas e gañas diñeiro. Logo xubílaste rico.
Capitalismo moderno: Ti tes 2 vacas. Vendes 3 das túas vacas á túa empresa que cotiza en bolsa mediante letras de crédito aberto polo teu curmán no banco. Logo executimageas un troco de participación de débeda cunha oferta xeral asociada co que xa tes as 4 vacas de volta, con exención de impostos por 5 vacas. O leite que dan as túas 6 vacas é transferida mediante intermediario a unha empresa con sede nas Illas Caiman que volta a vender os dereitos das 7 vacas á túa compañía. O informe anual afirma que tes 8 vacas con opción a unha máis. Colles as túas 9 vacas e córtalas en anacos. Logo véndelos a xente. Curiosamente durante todo o proceso ninguén parece decatarse que, en realidade, ti só tes 2 vacas.
Economía xaponesa: Ti tes 2 vacas. Redeséñalas a escala 1:10 e que che produzan o dobre de leite. Pero non te fas rico. Logo rodas todo o proceso en debuxos animados. Chámalas ‘Vakimon’ e de forma incomprensible, faste millonario.
Economía alemá: Ti tes 2 vacas. Mediante un proceso de reenxeñería consegues que vivan 100 anos, coman unha vez ó mes e múxanse soas. Ninguén cre que teña ningún mérito. O que ti queres realmente é criar ovellas.
Economía rusa: Ti tes 2 vacas. Contas e tes 5 vacas. Voltas a contar e sáenche 257 vacas Contas de novo e sáenche 3 vacas. Deixas de contar vacas e abres outra botella de vodka.
Economía chinesa: Ti tes 2 vacas. Tes a 300 tipiños muxíndoas. Explicas ó mundo a túa incrible rateo de produtividade leiteira. Disparas a un xornalista que se dispón a contar a verdade.
Capitalismo americano: Tes dúas vacas. Vendes unha e forzas á outra a producir o leite de catro vacas. Ficas sorprendido cando ela morre.
Economía iraquí: Ti non tes vacas. Ninguén cre que non teñas vacas, bombardénate e invaden o teu país. Ti segues sen ter vacas.
Economía india: Ti tes 2 vacas. Polas nun altar para adoralas. Despois segues comendo arroz ó "curry".
Economía suíza: Hai 5000000000 vacas. É obvio que teñen dono pero ninguén parece saber quen é.
Economía francesa: Ti tes 2 vacas. Entón decláraste en folga, organizas unha revolta violenta e curtas todas as estradas do país, porque ti o que queres son 3 vacas.
Economía neozelandesa: Ti tes 2 vacas. A da esquerda seméllache cada día máis atractiva
Capitalismo italiano: Tes dúas vacas. Unha delas é a túa nai, a outra a túa sogra,¡Maledetto!
Capitalismo británico: Tes dúas vacas. As dúas están tolas.
Economía española: Ti tes 2 vacas, pero non tes nin idea onde están. Pero como xa é venres, baixas a almorzar ó bar que teñen o "Marca". Se acaso, xa te porás a buscalas o mércores despois da ponte de San Aniceto.

Ler mais...

5/8/09

CONSUMIR MENOS, VIVIR MEJOR

Libro de Toni Lodeiro “Consumir menos, vivir mejor” (Editorial: Txalaparta; I.S.B.N. 978-84-8136-515-3).

image

Ler mais...

4/8/09

ENTREVISTA A RAMÓN CARMELO RODRÍGUEZ NO XORNAL DE GALICIA

Carmelo Rodríguez, voceiro de Coop57 Galicia: “Nin banco, nin caixa; somos un modelo ‘parabancario”image

Carmelo Rodríguez é voceiro de Coop 57 Galicia, unha cooperativa de servizos financeiros éticos e solidarios integrada por 16 entidades.

Como naceu o proxecto de Coop 57 en Galicia?
O proceso de formación vén xa de hai dous anos, cando unha serie de organizacións do cooperativismo de traballo e do ámbito do consumo responsable e ético decidimos promover un proxecto de finanzas éticas. Decatámonos de que había unha parte da cidadanía interesada en destinar os seus cartos a proxectos coherentes cos seus principios éticos e que tiñan unha visión semellante da xestión do diñeiro.

Por que o modelo Coop?
Barallamos varias alternativas, principalmente Coop 57 e o modelo Fiare. Decantámonos por Coop porque consideramos que era a experiencia máis consolidada á hora de financiar proxectos da economía social.

Coop 57 naceu en Cataluña, pero o proxecto galego é independente, non si?
Coop 57 apoia o seu modelo naqueles territorios onde hai tecido social interesado en crear unha sección territorial. Apóiao, pero non fai como unha empresa, que pensa en que hai mercado nun lugar e monta unha sucursal, senón que deixa liberdade. Digamos que presta a idea e logo cada territorio ten autonomía para decidir que entidades entran no proxecto, así como para determinar o que financia. A única condición que nos marcan é unha oferta común de produtos financeiros e o tipo de xuro ao que temos que prestar o diñeiro ou pagarlle aos socios aforradores.

Cal é a oferta de servizos financeiros de Coop 57?
Pois vai desde produtos para mellorar a liquidez, adiantos de subvencións ou inxección de circulante normal. Tamén traballamos préstamos a longo prazo e estamos experimentando títulos e créditos participativos.

Podemos denominar banco a Coop 57?
Non, non é estritamente un banco nin unha caixa de aforros, nin unha cooperativa de crédito, senón unha cooperativa de servizos financeiros que non precisa da licenza do Banco de España para operar, o que lle dá liberdade para xestionar as financiacións e tamén á hora de marcar o prezo do diñeiro e a oferta de servizos. Son as entidades socias as que reciben e solicitan os servizos financeiros da cooperativa baseándose nuns principios básicos e tendo en conta que todos eles participan directamente na xestión e na toma de decisións, con independencia do capital que teñan.

Un modelo peculiar...
Un modelo parabancario no que os socios aforradores reciben un xuro, pero no que non poden domiciliar a nómina nin pedir un préstamo.

Aspiran a lograr tamén iso?
Para ese modelo está Fiare, que ten a idea de crear unha cooperativa de crédito que funcione baixo principios éticos. Nós colaboramos para poñer en marcha isto nun prazo de dous-tres anos. Así, Coop tamén podería facer fronte a proxectos máis ambiciosos, ademais de que Fiare ofrecería outros servizos que nós non temos. Somos modelos complementarios e compatibles, e o feito de crear esta entidade de banca ética non significará a desaparición de Coop 57; seguiremos funcionando, pero a un nivel micro.

Que opina do modelo Triodos?
Triodos é un banco convencional que viu un nicho de mercado de xente que traballa no tipo de proxectos que eles financian. É moi diferente ao resto porque é un modelo vertical de funcionamento e de crecemento, o que non quere dicir que non sexa unha boa experiencia. Ser cliente de Triodos non che dá dereito a participar nin a decidir como se xestionan os cartos, aínda que si se che asegura un comportamento ético.

Contan con 16 entidades, aspiran a moitas máis?
Aspiramos, pero pouco a pouco. Para este ano marcámonos o obxectivo de incluír tres colectivos máis. Xa financiamos o primeiro proxecto, pero temos que coller callo.

Ligazón á entrevista en Xornal de Galicia.com

Ler mais...

29/7/09

I MERCADIÑO DE TROCO DA RIBEIRA SACRA

O pasado 1 de agosto de 2009 celebrouse o I Mercadiño de Troco da Ribeira Sacra no concello de Sober (Lugo), no lugar de Cadeiras.
Os teléfonos de contacto son: Luisa 678 442 038 / Neus 687 186 620


Ler mais...

28/7/09

COOP57 GALICIA FINANCIA O SEU PRIMEIRO PROXECTO

Coop57 Galicia comeza facer realidade a súa misión, e así o pasado luns 27 de Xullo concedemos o noso primeiro préstamo á cooperativa Milhulloa, logo da análise da documentación achegada pola Solicitante, de termos valorado os criterios de Coop57 para conceder este tipo de operacións e da elaboración dos informes pertinentes por parte da Comisión Técnica e o Consello de Sección. A operación concedida consiste nun préstamo de 22.000,00 € a un prazo de 6 anos e co obxecto de que a Cooperativa solicitante poida refinanciar un préstamo a longo prazo que tiña na actualidade e tamén facer fronte a gastos fixos de funcionamento.

Milhulloa é unha cooperativa de traballo, socia fundadora de Coop57 GZ, con sede na localidade de Palas de Rei, constituida en 2000, con tres socias traballadoras e ten como actividade principal a produción, transformación e comercialización de plantas aromáticas e medicinais, verduras e hortalizas. Esta actividade desenvolvea baixo criterios de produción ecolóxicos supervisados a través do Consello Regulador de Agricultura Ecolóxica de Galicia (CRAEGA), do que fai parte.

Desde o Consello da Sección Territorial de Coop57 GZ queremos agradecer o labor de todas as persoas que axudaron a facer posible esta operación, especialmente a Ramón Pascual, coordinador de Coop57, que achegouse o pasado día 15 de Xullo ata Galicia para dinamizar unha xornada formación de carácter técnica co obxecto de achegar información relevante ás Comisións e Consello de Sección para o estudo e resolución das solicitudes de proxectos de financiamento que se soliciten a Coop57 GZ a partir de agora por parte das súas socias de servizos.

Lembrar que, a nivel estatal, Coop57 superou en Outubro de 2008 os 300 proxectos sociais financiados a través da súa oferta de servizos financeiros éticos e solidarios. Así, desde 2005, concedéronse préstamos por valor de máis de 10 millóns de euros a proxectos da economía social e solidaria catalá, vinculados directamente á promoción do cooperativismo, á inserción laboral, a sustentabilidade ecolóxica, a cultura e a educación, ao asociacionismo e aos movementos sociais.

Ler mais...

22/7/09

COOP57 GALICIA - XANEIRO / XUÑO 2009


COOP57 GALICIA COMEZA A ANDAR

Despois de case dous anos de maduración do Proxecto, o pasado 30 de Maio tivo lugar, no Centro Sociocultural do Castiñeiriño en Santiago de Compostela, a Asemblea Constituinte de Coop57 Galicia, promovida por 16 socias de servizos pertencentes ao ámbito asociativo e do cooperativismo de traballo e consumo, e 25 persoas socias colaboradoras. Neste acto, ademais das socias da Sección Territorial, cabe destacar a presenza da representación das demais Seccións Territoriais de Coop57 (Catalunya; Aragón; Madrid e Andalucía). Por último tamén asisten como convidadas outras organizacións do ámbito da economía social e solidaria de Galicia e persoas a título persoal interesadas nesta iniciativa. En total participaron no acto un total de 60 persoas.

Durante o mesmo compre destacar as palabras de felicitación e benvida á nova Sección Territorial por parte das representantes de cada unha das Seccións Territoriais e do Consello Reitor da Cooperativa. Tamén é digna de mención a exposición sobre as orixes e evolución de Coop57, ligada á loita do movemento obreiro e outros movementos sociais alternativos dentro e fóra de Catalunya, que condicionaron o modelo de crecemento horizontal e en rede da Cooperativa. Esta exposición foi realizada por Jordi Puyol e Isabel Moga.

Outro aspecto reseñable da Asemblea é a presentación das organizacións constituíntes da Sección Territorial, que baixo fórmula xurídica cooperativa ou asociativa desenvolven actividades como produción, transformación e consumo de produtos agroecolóxicos; servizos de consultoría-asesoría, formación e divulgación no ámbito da economía social e do mar; investigación social e participación cidadá; educación medioambiental; actividades de tempo libre e organización de eventos; servizos e programación informática; ensino cooperativo; imaxe e comunicación audiovisual.
As motivacións principais destas organizacións para promover Coop57 Galicia descansan na necesidade de dar resposta en Galiza á maior sensibilidade social por parte das organizacións de economía social e da cidadanía a respecto ao uso dos cartos por parte do sistema financeiro convencional, e a construción desde e para a cidadanía e as organizacións de economía social e solidaria, de iniciativas que articulen desde principios democráticos e participativos un emprego máis ético e non capitalista do mesmo, co obxecto de desenvolver unha economía e sociedade máis xusta e solidaria. Neste contexto considérase a Coop57 coma a opción máis axeitada para facer fronte a esta necesidade en Galiza xa que a Cooperativa:
1) é un referente consolidado das finanzas éticas tendo en conta a deficiencia neste senso en Galiza
2) polos principios cooperativos e de finanzas éticas nos que fundamenta a súa acción
3) polo seu modelo organizativo participativo, democrático, e de crecemento en rede e solidariedade interterritorial
4) polas características e natureza dos servizos financeiros que ofrece adaptables ás necesidades dos proxectos a financiar en Galiza
5) pola autonomía de decisión e xestión en GZ sobre os proxectos a financiar
6) por ser garantía de viabilidade da iniciativa en GZ por favorecer a sinerxia de custes de estrutura e facer fronte aos posibles déficits de financiación dos proxectos motivados pola insuficiente captación de aforro en GZ.

Na última parte da Asemblea aprobouse por unanimidade das socias de servizos e socias colaboradoras presentes da Sección Territorial de Galiza a constitución Coop57 Galicia; os contidos dos Estatutos e Regulamento de Réxime Interno da Sección Territorial, e a composición e cargos do Consello e Comisións, que queda coma segue :

Consello de Sección
Presidencia : Ramón Carmelo Rodríguez Padín – Federación de Cooperativas SINERXIA
Secretaría : Mª Mar Pernas Márquez – Unión de Coop. Traballo Asociado UGACOTA
Tesourería : Mª Pilar López Alves de Amorín – Socia Colaboradora
Vogalía 1ª : María Ortega Iñarrea – ARDORA Formación e Servizos, S.Coop.Galega
Vogalía 2ª : Manuel González Garrido – Consumo Consciente ARBORE, S.Coop.Galega
Vogalía 3ª : Miguel Anxo Quinteiro Nuñez – INTERGAL, S.Coop.Galega
Vogalía 4ª : Manuel Rivera Iglesias – Asociación de Economía Social BRIANTE

Comisión Social
Xan Martínez Vázquez – Coop. de Consumo Responsable A XOANIÑA, S.Coop.Galega
Antón Lois Estévez – TEIXUGO, S.Coop.Galega
Rosa Mª Muñíz Castro – CIDADANIA Rede de Aplicacións Sociais, S.Coop.Galega
Mª Jesús Expósito Casal – MILHULLOA, S.Coop.Galega
Mª José Vázquez Ramos – EQUAL, S.Coop.Galega
Eva Gil Rodríguez – Socia Colaboradora
Xosé Mª Torres Bouza – Socio Colaborador

Comisión Técnica
Juan Gómez Cabo – XEDEGA, S.Coop.Galega
Francisco Ferreira Lorenzo – Unión de Coop. Ensino de Traballo Asociado UCETAG
Juan Carlos Laranga Liñares – FUNGO, S.Coop.Galega
Xosé Manuel Vila Fernández – Socio Colaborador
José Luis Vázquez Alvárez – Socio Colaborador

Ademais se elixiron por unanimidade as persoas representantes da Sección Territorial no Consello Rector de Coop57, que son Ramón Carmelo Rodríguez Padín e Miguel Anxo Quinteiro Nuñez.
Finalizada a Asemblea desenvolveuse un animado xantar ao que seguiu, en sesión vespertina, unha reunión do Consello Rector de Coop57, na que se analizou a situación de Coop57 e se prepararon os contidos da Asemblea Xeral da Cooperativa en Zaragoza.


PRIMEIROS PASOS

No primeiro mes de funcionamento de Coop57 Galicia o número de socias colaboradoras chegou a 36 e o capital social achegado polas socias de servizos e socias colaboradoras ascende a 40.000,00 €. Por outra banda, a constitución de Coop57 Galicia tamén espertou o interese dun significativo número de organizacións da economía social galega e dos medios de comunicación tanto alternativos coma convencionais de Galiza, que publicaron información nas súas páxinas e/ou webs sobre a Asemblea Constituínte como realizando entrevistas.
Tamén celebrouse o pasado 12 de Xuño unha Asemblea Extraordinaria en Compostela para definir o posicionamento da Sección Territorial a respecto dos puntos a tratar na Asemblea Ordinaria de Coop57 en Zaragoza e comezar a debater o plan de traballo de Coop57 Galicia para o segundo semestre de 2009 no que se refire a actividades de divulgación e comunicación; captación de socias de servizos e socias colaboradoras; estratexias de análise para novas solicitudes de alta de socias de servizos e proxectos de financiación; e posta en marcha da organización interna da Sección Territorial e coordinación con Coop57.

Ler mais...

CARA UNHA BANCA MAIS ÉTICA - VIGO

O pasado día 30 de xuño María Ortega, Vogal de Coop57 GZ, desenvolveu unha charla sobre Coop57 e a constitución e primeiros pasos de Coop57 Galicia.
Esta actividade enmarcouse dentro dun curso organizado pola Facultade de CC. Económicas e Empresariais da Universidade de Vigo, no que pretendían aproximar ao alumnado asistente á actividade bancaria baixo criterios de responsabilidade social, desde unha focaxe teórico-práctica.


Asistiron uns 30 alumnos e alumnas que, durante dúas horas, foron protagonistas nun animado coloquio sobre a Cooperativa e o seu papel no ámbito das finanzas éticas e da transformación socioeconómica e ambiental.

Tamén esta actividade foi aproveitada polo alumnado para plantexar cuestións sobre a fórmula cooperativa como alternativa empresarial. A valoración recollida nas enquisas sobre esta conferencia foi moi positiva tanto polo alumnado e o profesorado como pola coordinación do curso.

Ler mais...

I XORNADAS GALEGAS DE ECONOMÍAS ALTERNATIVAS - VIGO

O pasado 27 de Xuño, no Centro Social do Calvario de Vigo, celebráronse estas xornadas, promovidas desde as asociacións e colectivos integrantes na rede de troco e cesión Vigotroca, a saber, Amarante, Arbore, Caleidoskopio, Verdegaia e Centro Social do Calvario.
Estas xornadas pretendían propiciar un contacto entre os grupos e organizacións galegas que traballan para impulsar unha economía ética. Presentáronse iniciativas no ámbito do troco e cesión; de moedas complementarias e finanzas éticas. Entre estas últimas presentouse Coop57 Galicia ante un auditorio de corenta persoas.


A presentación realizada por Ramón Carmelo, versou sobre as orixes de Coop57, os seus principios, a súa estrutura organizativa, as diferenzas coa banca convencional e a súa complementariedade con outras iniciativas de finanzas éticas.
Tamén se expuxo a contextualización da posta en marcha e primeiros pasos dados por Coop57 Galicia.

Cabe destacar tamén como un dos resultados destas xornadas, a realización dunha relación de contactos das organizacións e persoas presentes para intercambiar información de actividades e iniciativas que se desenvolvan e valorar a posibilidade de realizar futuros encontros para afortalar esta rede.

Ler mais...

XORNADAS DE FORMACIÓN CRÍTICA EN EDUCACIÓN AMBIENTAL - PONTEVEDRA

No marco destas Xornadas organizadas por alumnas e alumnos da Facultade de Ciencias da Educación e o Deporte de Pontevedra, o pasado 16 de Abril realizouse unha presentación de Coop57 e do proceso constituínte da Sección Territorial de Galicia.


Dita presentación desenvolveuse co emprego dunha metodoloxía participativa que deu lugar a un animado debate sobre as finanzas éticas e a experiencia de Coop57 contextualizado na situación destas iniciativas en Galicia, e outros territorios de Europa onde existen interesantes experiencias neste ámbito.

O acto estivo dinamizado por Ramón Carmelo e Miguel Quinteiro en representación do Grupo Promotor de Coop57 Galiza, e contou coa presenza dunha vintena de persoas que se amosaron moi interesadas na temática e en coñeceren Coop57.

Ler mais...

3/6/09

CONSTITÚESE EN SANTIAGO DE COMPOSTELA COOP57GALICIA, COOPERATIVA DE SERVIZOS FINANCEIROS ÉTICOS E SOLIDARIOS.

O sábado 30 de maio, entre as 11:00 e as 14:00 horas, tivo lugar no Centro Sociocultural O Castiñeiriño de Santiago de Compostela a Asemblea Constituínte de Coop57 Galicia, unha nova cooperativa de servizos financeiros que nace co fin de fomentar o aforro solidario e o investimento ético para desenvolver proxectos de economía social e solidaria.

Acudiron ao evento as persoas representantes das 16 entidades do ámbito asociativo e cooperativo que actúan como socias de servizos promotoras do proxecto, así como vintecinco socias colaboradoras –persoas físicas ou xurídicasque sen ser destinatarias dos servizos da cooperativa, achegan os seus aforros para axudar a financiar os proxectos que se presenten. Asistiron tamén representantes de outras entidades do ámbito asociativo, así como persoas que a título individual participaron no proceso previo á constitución e que prevén a súa incorporación nun futuro. Asimesmo, estivo presente unha representación das seccións territoriais de Coop 57 de Cataluña, Aragón, Madrid e Andalucía.
No acto levouse a cabo unha presentación retrospectiva de Coop57, seguida da intervención dos representantes das seccións territoriais. A continuación, as persoas representantes das entidades socias de servizos promotoras da sección territorial galega fixeron unha breve presentación para, de seguido, proceder á constitución de Coop57 GZ, e á aprobación dos Estatutos e Regulamento de Réxime Interno. Finalmente, foron escollidos os cargos do Consello de Sección, os representantes de Coop57 GZ no Consello Reitor de Coop57 e os integrantes da Comisión Social e Comisión Técnica.
O acto rematou cunha comida de confraternidade no Restaurante Paz Nogueira.

Para mais información sobre Coop57 Galicia, pode poñerse en contacto con Ramón Carmelo Rodríguez, na Federación de Cooperativas Sinerxia - www.sinerxia.org -, a través do correo-e : rcarmelo@sinerxia.org e/ou nos teléfonos 986 896 526 e 986 862 887.

Para unha información xeral de Coop57 e das suas Seccións Territoriais pódese visitar o sitio web www.coop57.coop .

Calquera persoa que o desexe pode deixar eiquí os seus comentarios sobre este proxecto.

Ler mais...

2/6/09

HEMEROTECA COOP57 NOVEMBRO 2009

Xornal económico Nova +
Xornal dixital Galiciaé

Ler mais...

HEMEROTECA COOP57 AGOSTO 2009

Xornal de Galicia
Blogue pola renovación do BNG

Ler mais...

HEMEROTECA COOP57 XULLO 2009

Coordinadora Galega de ONGD´s
Empresa y Trabajo – COCETA

Ler mais...

HEMEROTECA COOP57 XUÑO 2009

A Xoaninha, Cooperativa Consumo Responsábel - 01/06/09

Coop57 Aragón Blogue - 01/06/09

Economia solidaria de Brasil

Forum de Economia Solidaria de Brasil

Faro de Vigo - 08/06/09

Zocamiñoca Coop.Consumo Responsábel - 02/06/09

Portal Economia Solidaria - 02/06/09

Asociación Euroeume - 02/06/09

AES Briante - 02/06/09

Vieiros - 03/06/09

Cooperativas de Galicia

Galicia Hoxe

Promundos, S.Coop. Galega

Blogue Xubilados Caixa Galicia

Blogue economía nas aulas

Novas da Galiza

Ler mais...

HEMEROTECA COOP57 MAIO 2009

Alianza por unha Economía Responsabel, Plural e Solidaria (ALOE)

Consomes ou Devoras

Ciberirmandades da Fala - 20/05/09

Rebelión - 21/05/09

Consumo Consciente Arbore, S.Coop.Galega - 26/05/09

A Nosa Terra - 27/05/09

Altermundo - 28/05/09

Ler mais...

HEMEROTECA COOP57 ABRIL 2009

Diagonal – 29/4/09

Ler mais...